Tiflisdə fəaliyyət göstərən “Universal-2012” nəşriyyatında tədqiqatçı-jurnalist Mirzə Məmmədoğlunun “Tiflisdə keçən ömür” adlı kitabı nəşr olunub.
APA-nın Gürcüstan bürosunun məlumatına görə, Azərbaycan və gürcü dillərində nəşr olunan kitab Mirzə Fətəli Axundzadənin 200 illiyinə həsr edilib.
Müəllif qələmə aldığı əsərində milli dramaturgiyamızın banisi, filosof-mütəfəkkir M. F. Axundzadənin Tiflisdə yaşayıb-yaratdığı illəri əhatə edir və eyni zamanda həmin dövrdə Gürcüstan paytaxtında yaşamış digər ziyalıların ömür yolundan maraqlı faktları oxucuların nəzərinə çatdırır.
Qeyd edək ki, M.F. Axundzadənin məzarı Tiflisdəki Nabədat bağındadır
