Arvada, uşağa, vətənə, dosta və sairəyə toxunmaqdı yaşamaq

Ədəbi tənqid

Ana səhifə
Ədəbi tənqid

Arvada, uşağa, vətənə, dosta və sairəyə toxunmaqdı yaşamaq

10 avqust 2011

11:38

Bu gün şair Salam Sarvanın 45 yaşı tamam olur.

Kulis.az adından şairi təbrik edir və onun şeirlərindən birini təqdim edirik.

***

Anayçun, arvad-uşaqçun,
lap elə vətənçin yaşayan insan
ömrün son illərini cənnətçin yaşar -
anasız, arvad-uşaqsız, vətənsiz bir yerçin.

Həə, deməli məlumdu məsələ…

Məsələn, işıq sönmüş otaqda
bir kibriti tapanacan
nə qədər lazımsız əşyaya toxunursan -
stola, divara, televizora…

Həə, deməli yaşamaq da belədi -
bir «kibrit» axtarışında
arvada, uşağa, vətənə, dosta və sairəyə
toxunmaqdı yaşamaq.