- Azərbaycan Qazaxıstanda teatr festivalında təmsil olunur
- Elgiz Əkbər: "Əməkdar artist ildə 2 dəfə psixiatrik xəstəxanada müalicə alır"
- O, qadın deyil, eləcə anadır... - Mətbəxdə cazibəsini itirən Həmidə xanım
Məndən uzaq düşdün.
Sənsiz darıxdım,
Aradım, axtardım
Bir qız qucağında
Sərilib
Yatan gördüm səni.
Qıymadım oyatmağa
Əlim gəlmədi.
Əfv etdim
Səni.
10.03.2011
Gedirəm
Açılacaq bu gecədə,
Üzü səhərə gedirəm.
Hər gün yolumu gözləyən
Qəmə-qəhərə gedirəm.
Abır-həyadan yırtılan,
Çöldə, bayırda sırtılan,
Hər gün üzümə çırpılan
Çora, zəhərə gedirəm.
Bu dünya bir təhər olub,
Gecə bitib, səhər olub,
Daha dayçam kəhər olub,
Minib kəhərə gedirəm.
Köklənmişəm cəngi üstə,
Gahdan zildə, gahdan pəstə,
Xoş arzuda, xoş həvəsdə
Durub şəhərə gedirəm.
18.09.2010
