Bir qrup nobelçi yazar Suriya lideri Bəşər Əsədə açıq məktub yazıb. Yazarlar yazdıqları məktubla Bəşər Əsədin istefaya getməsini istəyiblər. Yazarların arasında Orxan Pamuk da var. Kulis.az Pamukun bu məktubu ilə bağlı Hürriyət qəzetindən Ahmet Hakanın yazısını təqdim edir:
Türkiyədə ölüm orucları olar-Orxan Pamuk susar!
Türkiyədə kürd problemi çıxılmaz vəziyyətə düşər-Orxan Pamuk susar!
Türkiyədəki məhbus jurnalistlər məsələsi dünya gündəmini tutar- Orxan Pamuk susar!
Hökumətin Avropa Birliyi viziyonunu itirdiyi haqda tənqidlər şahlanar- Orxan Pamuk susar!
Amma o vaxt ki...
Bəşir Əsədə “Axırın Səddam və Qəddafi kimi olacaq” cümləsiylə bitən məktub yazmaq zərərsiz və prestijli bir fürsət doğular Pamuk imzasını həvəslə atar.
***
Deyəsən Pamuk artıq Ancelina Coli kimi oldu.
O artıq dünyanın bər-bəzəkli, zərərsiz səfiridir.
Xeyirli olsun.
