Tanınmış şair Nazim Əhmədlinin iki kitabı çap olunub.
Kulis.Azın verdiyi məlumata görə, “Mən bir günah elçisiyəm” adlı şeirlər, “ Qız təbəssümü” adlı hekayələr kitabı Qanun nəşriyyatında işıq üzü görüb. Şairin “Mən bir günah elçisiyəm” şeirlər kitabında şairin son illərdə yazdığı şeirlər toplanıb.
“Mən bir günah elçisiyəm” şeirlər kitabında təbiət sirləri, insan psixologiyası, mistik fəlsəfi düşüncə tərzi, sufi dünyagörüşü, kainatın fəlsəfəsi Nazim Əhmədlinin şeirlərinin məzmunudur. Və demək olar ki, bütün şeirlərin məna yükündə, dərd çalarında müəllifin ürək çırpıntıları poetik rənglərlə şairin öz məni timsalında təsvir olunur. Öz dünya görüşündə bəşəriyyətin taleyini, vətənin ağrı acılarını hiss edir. Yuxunun, paralel dünyaların real həyatla əlaqəsi, yüz illərdir bölünmüş Vətənin, işğal sonrası itən yurdun ağrıları şairin yaradıcılığında əsas yer tutur.
“Qız təbəssümü” hekayələr kitabı 8 hekayədən ibarətdir. Kitabda müxtəlif illərdə yazılan hekayələr toplanıb. Hekayələr gənc insanların həyatında baş verən mənəvi psixoloji gərginliklər müəllifin lirik məni ilə müşayiət olunur.
