Azərbaycanın görkəmli kino aktyoru, Xalq artisti Rasim Balayevin yaradıcılığı barədə kitab işıq üzü görüb.
“Səmimiyyətin qəm nuru” adlanan kitabın müəllifi professor İlham Rəhimlidir.
Kulis.azın verdiyi xəbərə görə, müəllif aktyorun zəngin ekran yaradıcılığının poetika səciyyələrini, onun estetik prinsiplərini elmi-nəzəri təhlil süzgəcindən keçirib. Kitabın dili çox orijinal, oxunaqlı və səmimidir.
Aktyorun yaradıcılığında parlaq sənət nailiyyətləri olan Nəsimi (“Nəsimi”), Babak (“Babək”), Beyrək (“Dədə Qorqud”) rollarının yaradıcılıq prinsipləri son dərəcə maraqlı forma-üslubda təhlilə çəkilib.
İlham Rəhimlinin öz tərtibat-dizaynında çap olunmuş kitabda Rasim Balayevin müxtəlif filmlərindən kadrlar, həyati şəkillər verilib.
