Mayın 11-də saat 14:00-da Azərbaycan Yazıçılar Birliyinin Natəvan klubunda “Ədəbiyyat qəzeti”nin illik əlavəsi olan “Ədəbiyyat” jurnalının ilk sayının təqdimat mərasimi keçiriləcək.
Kulis.Azın məlumatına görə, nəfis tərtibatda işıq üzü görən yeni nəşrə il yarım ərzində qəzetin səhifələrində dərc olunmuş yazılardan bir qismi daxil edilib.
Tədbir çərçivəsində, “Əli bəy Hüseynzadə mükafatı”nın ilk laureatlarının adları açıqlanacaq və mükafatlar təqdim olunacaq.
Maraqlananlar dəvət olunur.
