Kulis.Az Nurəddin Ədiloğlunun “Ən qısa hekayə” müsabiqəsinə göndərdiyi “Daş” (361 işarə) hekayəsini təqdim edir.
Arvad kişiyə dedi:
- Haranın daşını başına salırsan sal, amma evə çörək gətir.
- Xpertin repi Türkiyə serialında - Video
- “Mütaliə ruhu” adlı Respublika yaradıcılıq müsabiqəsi elan olundu
- Emin Sabitoğluna həsr olunmuş konsert olacaq
Kişi məscidə gəldi. Dizini yerə atıb üzünü göyə tutdu:
- Allah, əl məndən, ətək səndən, ya başıma daş sal, ya da bir parça çörək ver, aparım evə.
Bu zaman başına bir kərpic düşdü.
- Bir aydı çörək istəyirəm, vermirsən, bir dəfə daş istədim, nə tez verdin.
Gedəndə ayağı döşəməyə ilişdi, üzüqoylu yerə yıxıldı.
Bu dəfə hündürdən:
- Əşi, itələmə, gedirəm də!
