“Frans Kafkanın başı” adlı heykəl yazıçının vətəni Çexiyada, paytaxt Praqada qoyulub. Quadrio ticarət mərkəzinin qarşısında, yazıçının bir zamanlar işlədiyi Sığorta Şirkətinin yanında quraşdırılan heykəl tamaşaçıları heyrətləndirir.
Heykəl yazıçının “Çevrilmə” əsərindən təsirlənərək hazırlanıb. Heykəlin müəllifi David Çernıydır.
Baş heykəli güzgü kimi parıldayan, paslanmayan poladdan hazırlanmış disklərdən ibarətdir. Hündürlüyü 10 metr, ağırlığı 45 tondur. Heykəlin hazırlanmasında müxtəlif istiqamətlərə fırlanan 42 diskdən istifadə olunub. Hər disk dəqiqədə 6 dövrə vurur. Disklər Frans Kafkanın şəklinə, daha sonra isə güzgüyə çevrilir.
- "Mənim adım Emiliya Del Valle" - Gənc yazıçı həqiqət axtarışında
- İldə iki dəfə baş verən qeyri-adi hadisə tamaşaçıları valeh etdi
- Sərçə - Samirə Əşrəfin hekayəsi
Abidə Praqa bələdiyyəsinə 30 milyon krona başa gəlib.
Heykəl daima işlək vəziyyətdədir, yalnız pis hava şəraiti və qar zamanı xüsusi örtüklə bağlanır.
