Kulis.Az Mətləb Ağanın yeni şeirini təqdim edir.
Roman- şeir
Hansı ölkəydi, hansı?
bəs neçənci əsrdi?
...orda- o köhnə yolla
bir uşaq tələsirdi...
fikrindən nə keçirdi,
nə tutmuşdu əlində ?
nə vardı çiynindəki
o nimdaş zənbilində?
Tanrı hardaydı onda,
ya xeyirxah mələklər?
bilirdilərmi bir gün
Ona nə deyəcəklər?!...
...sonra güldü qəfildən,
bütün ağrısı keçdi:
...ovcundasa,
soyumuş
qəlbini gizləmişdi....
