Kulis.Az İntiqam Valehoğlunun “Ən qısa hekayə” müsabiqəsinə göndərdiyi “Şəhid” (346 işarə) hekayəsini təqdim edir.
Doqquzuncu “A” sinfinin yeni ədəbiyyat müəlliməsi dünən dərsə gəlməyən şagirdləri ayağa qaldırıb bir-bir danlamağa başladı.
-Məmmədov Sadiq, dünən dərsə niyə gəlməmişdin?
-Atamın doğum günü idi.
-Gözüm aydın.
- ...
- Dünən səni gül dükanında gördüm axı.
- Müəllimə...
-Bəs gül dükanına niyə girmişdin? Kişiyə də gül verərlər? Heç olmasa ətirdən zaddan alardın da ay tupoy.
-Atam şəhid olub. Gülləri də...
