Kulis.az Lalə Eyvazovanın “Ən qısa hekayə” müsabiqəsinə göndərdiyi “Mimikriya” (234 işarə) hekayəsini təqdim edir.
Diqqətimi çəkdi, tədris metodikası ilə deyil. Əli cibində məğrur duruşu ilə. Düşünürdüm-hardan alır insan bu gücü ?
Zəng çalındı, dərs bitdi. Gülər üzlə hər kəsi yola salıb o da evinə getdi. Çıxardı cibindən əlini... Güzgünün önünə qoyub hamam otağına keçdi. Sol əlini yumağa.
