Kulis.Az İlyas Quliyevin “Ən qısa hekayə” müsabiqəsinə göndərdiyi “Ümidlə gələn ölüm” (225 işarə) hekayəsini təqdim edir.
Gözləyirdi hər səhər günəşin üfüqdən baş qaldırmağını. Hər səhər o günəşlə doğan yeni ümidləri. Eyni ilə hər gecə o içinə qonan ümidləri həmin günəşlə yola salırdı. Çünki artıq zaman axmırdı onun üçün. O isə hər yeni günü sevgi ilə qarşılayırdı. Öləcəyini bilə-bilə.
