Xəbər verdiyimiz kimi, məşhur sovet və Rusiya şairi Yevgeni Yevtuşenko 85 yaşında vəfat edib.
Dostu Mixail Morqilisin dediyinə görə, Yevtuşenko ağır vəziyyətdə xəstəxanaya çatdırılandan 5 dəqiqə sonra dünyasını dəyişib. O, 6 il idi ki, xərçəng xəstəliyindən əziyyət çəkirdi.
Kulis.azın rus mətbuatına istinadən verdiyi məlumata görə, Yevtuşenko dünyasını dəyişərkən ailəsi də yanında olub. Oğlu atasının son anlarını belə xatlırlayıb: "Atam ağrısız getdi... Ölümünə az qalmış onu qucaqlamışdım, qollarımın arasındaydı. Atam başa düşmüşdü ki, hamı onu sevir..."
Yevtuşenko 1991-ci ildən Amerikada yaşayırdı. Onun nəşi Moskvaya, Peredelkinoya gətiriləcək və dəfn mərasimi öz doğma vətənində olacaq.
Yevgeni Yevtuşenko Boris Pasternakın yanında dəfn olunmağı vəsiyyət edib.
