Nə çətinmiş uzaqlardan qayıtmaq… - GÜNÜN ŞEİRİ

Nə çətinmiş uzaqlardan qayıtmaq… - GÜNÜN ŞEİRİ
calendar 28 iyul 2016
clock 13:08

Şeirlər vardır, yazıldığı gündən dillərə, könüllərə düşən... İllər ötüb keçsə də yaddaşın bir küncündə, dilin ucunda qalan...İnsan yaşa dolsa da heç zaman qocalmayan, hər zaman öz estetik təravətini saxlayan, vəsf etdiyi duyğular qədər təmiz, saf və əbədi olan şeirlər. Kulis.az-ın “Günün şeiri” layihəsində bu şeirlər yada salınır. Bu ölməz şeirlərə yeni könüllər, yeni könül evləri, yeni sevgilər tapmaq üçün... Şeirləri çoxaltmaq üçün...

Cəlil Cavanşir: “Sən gedəli...”

Sən gedəli,

gözlərimin nəmini

Nə istilər, nə küləklər qurudur.

Nə çətinmiş sənsizliyi yaşamaq

Ağlayanda bu bədheybət “uşağı”

Heç kəs, heç kəs sənin kimi ovutmur…

Sən gedəli,

Bayramları əlim boş.

Uzanıram yatağıma. Gülürəm…

Ya xəstəhal, ya ağrılı, ya sərxoş

Yaşadığın o küçədən tək keçib

Pəncərənə baxıb, baxıb gülürəm…

Sən gedəli

Günlərimin düzümü.

Qarışıb eee, bir-birinə qarışıb.

Sən gedəli hey söyürəm özümü.

Yəqin kimsə eşidibsə,

-danışıb…

Sən gedəli

Bir az sərsəm kimiyəm.

Şirin gəlmir daha sabah yuxusu.

Hərdən yemək bişirəndə, yatıram.

Ayılanda diksinirəm.

İlahi, hardan gəlir yanıq yemək qoxusu?

Sən gedəli,

Hər şey bir az başqadı

Sabahlar da darıxmaqdı,

gecələr də darıxmaq

Sən getdiyin uzaqlardan küsmüşəm

Nə çətinmiş uzaqlardan qayıtmaq…

…Noolar, dön gəl, vallah olmur unutmaq….

# 3825 dəfə oxunub

Oxşar xəbərlər

"Bu romanda hər şey ötəridir, səthidir..." -  Rəşad Səfər Şərif Ağayarın romanını tənqid etdi

"Bu romanda hər şey ötəridir, səthidir..." - Rəşad Səfər Şərif Ağayarın romanını tənqid etdi

12:21 17 iyun 2025
Yeni xeber

Yeni xeber

11:39 17 iyun 2025
Nahid Hacızadə İsmayıl Şıxlı - Mirvaridə osetrin kababı

Nahid Hacızadə İsmayıl Şıxlı - Mirvaridə osetrin kababı

12:58 29 noyabr 2024
Paris hekayələri - Sabir Əhmədli

Paris hekayələri - Sabir Əhmədli

18:24 21 noyabr 2024
Rakı şüşəsində balıq olmaq istəyən şair

Rakı şüşəsində balıq olmaq istəyən şair

16:34 21 noyabr 2024
Tezer Özlü "Sarı və dumanlı"

Tezer Özlü "Sarı və dumanlı"

14:02 21 noyabr 2024
menu pen all_news