Kulis.az Türkiyədə yaşayan Şəbnəm Karslının yeni şeirlərini təqdim edir.
Ey Sevgili
Rəsmlərdə tək dodaqlarla deyil,
- Sevgi şəhəri - Babək Məmmədlinin hekayəsi
- Öz taleyinin yazarı - Nəriman Əbdülrəhmanlı
- Mamam - İlqar Rəsulun yeni hekayəsi
gözlərlə də gülümsəməyi
öyrəndim sayəndə
Bütün hisslərim imitasyon,
dərdin adı depresyon,
gördüklərim halüsinasyon,
Şəhər şeirləri kimi quru,
kənd romantikası qədər acı,
uşaqlıq travması kimi dərin,
Anlayacağın, bütün hisslərim
ölümün heç də ən böyük ağrı
olmadığını anlatmaqda
Ey sevgili,
İftar süfrəsində içdiyim suyun
şirinliyi kimisən
ən gərəklim, yanar yerim
Günah desəm, deyil,
ama bir hüzursuzluqsan
Əlimlə bağrımı yarıb
o ağrıyan yerə toxunsam keçər sanki,
keçər o inilti, dinər o ağrı.
Bəlkə də dinsin istəmədim,
ağrı da bir məzədir Şeir süfrələrində,
ey sevgili,
unudula bilmədiyin üçün
unutmamazlıq etmədim,
şeirimə məzə ol yetər,
sənsiz də yaşanar bu ömür
Dostum
Gəl dostum
bir ömür daha alaq Tanrıdan
Bu ömürdə etmədiyimiz
günahlara bulaşaq,
inandıqlarımıza da tüpürək,
inanmadıqlarımıza da
Qorxunun olmadığı,
onların olmadığı
bir dünya quraq,
ikinci ömür sən olsun, mən olum.
Qüsursuz olma çabası,
güzgüdə daha gözəl görünmə arzusu,
bir də dostum,
səni və məni çərçivələrə soxan
bu olmazlar olmaz olsun.
Çirkin olaq,
sevməsin bizi kimsə bizdən başqa,
heç sən də sevmə məni,
mən mənə yetərəm.
Yetər ki bir ömür daha gəlsin Tanrıdan,
mən səndən də vazkeçərəm
Siyasi Qaralamalar
Mən ülkünün göbəyindən doğan,
qəlbi sağda atan demode siyasətçi
İndi moda humanist olmaq,
bir az liberal, bir az sol,
sol çox önəmli, son moda bu.
Tarixin hansı dövründə
qılıncsız, tüfəngsiz
ədalət bərqərar oldu?
Ama olmaz əfəndim,
qılınc yasak, silah bizə yaraşmazmış...
Mən, qəlbi sağda atan
savaşsız çarə görməyən binəva,
bir az demode qalan,
tək olan...
