Şəki şəhəri 2016-cı il üçün Türk dünyasının mədəniyyət paytaxtı seçilib. Amma şəhərdə kitab dükanı yoxdur. Kulis.azın məlumatına görə, yazar Hədiyyə Şəfaqət şəhərdə kitab dükanının, ədəbiyyat mərkəzinin açılması üçün ideya irəli sürüb.
Yazar Kulis.az-a bu barədə açıqlama verib: “Sadəcə kitab satışı yeri deyil, ədəbi toplantılar, təqdimatlar, yazıçı günləri keçirə biləcəyimiz bir məkan açmaq istərdim”.
Hədiyyə Şəfaqət daha sonra bunları deyib: “Hansısa qurum üstünə götürə bilər. Mən sadəcə işləri idarə edəcəyəm və maaş xaricində heç bir gəlir istəmirəm də. Yəni bu, sırf biznes marağı deyil. Özüm edə bilsəydim, əlbəttə, başqa məsələ. İndi isə təşəbbüs budur ki, imkanı olan şəxs varsa, bunu da bir biznes hesab edərək başlasın, lakin işi bilənə tapşırsın. Təki təkcə Şəki üçün deyil, yaxın rayonlarda da ədəbi hava yarada bilək. Kitabla bağlı nəsə edək”.
