Hər il İtaliyada Sicilyalı yazıçı Cüzeppe Lampedüze adına verilən ədəbiyyat mükafatı bu il “Qırmızı saçlı qadın” romanına görə Orxan Pamuka verilib.
Kulis.az-ın türk mətbuatına istinadən verdiyi xəbərə görə, Mükafat Pamuka avqustun 12-də Santa Marqerita di Beliçe qəsəbəsinin meydanında keçirilən böyük tədbirdə təqdim olunacaq.
Xatırladaq ki, “Qırmızı saçlı qadın” italyan dilinə tərcüməçi Barbara Ros çevirib. Roman indiyə qədər Pamukun 14 kitabını yayımlayan “Einaudi” nəşriyyatı tərəfindən keçən ilin dekabrında nəşr edilib.
