Azərbaycanın bir sıra mədəniyyət qurumlarında yaş senzi ilə bağlı ixtisarlar olacaq.
APA-nın məlumatına görə, bununla bağlı həm Azərbaycan Dövlət Gənc Tamaşaçılar Teatrı, həm də digər müəssisələrdə ixtisarlar nəzərdə tutulur.
Gənc Tamaşaçılar Teatrından ixtisara düşənlər arasında teatrın baş rejissoru, xalq artisti Cənnət Səlimovanın da adı var.
Azərbaycan Dövlət Gənc Tamaşaçılar Teatrına yeni baş rejissorun təyin olunacağı gözlənilir.
Teatrın direktoru, əməkdar incəsənət xadimi Mübariz Həmidov APA-ya açıqlamasında bildirib ki, tanınmış rejissor, xalq artisti Cənnət Səlimovanın baş rejissor vəzifəsindən gedəcəyi və bu vəzifəyə rejissor Bəhram Osmanovun təyin olunacağı nəzərdə tutulur:
«Bununla bağlı hələ rəsmi qərar yoxdur. Cənnət xanım da hazırda məzuniyyətdədir, ümumiyyətlə teatr heyəti işdə deyil. Belə bir söhbət var, amma heç bir rəsmi qərar və sənəd hələ yoxdur. Yenilik olsa artıq yeni mövsümdə məlum olacaq».
Xəbərdə vurğulanır ki, Cənnət Səlimova bu vəzifədən getməyə dair hələ heç bir ərizə yazmayıb. M.Həmidov mövcud qərarın Mədəniyyət və Turizm Nazirliyi tərəfindən veriləcəyini deyib.
Mədəniyyət ocaqlarında yeni ixtisarlarla bağlı tam məlumatın növbəti həftənin ilk günlərində açıqlanması nəzərdə tutulur.
Cənnət Səlimovanın gedişi, Bəhram Osmanovun gəlişi təsdiqləndi
27 iyul 2012
12:16
Oxşar xəbərlər
O, qadın deyil, eləcə anadır... - Mətbəxdə cazibəsini itirən Həmidə xanım
12:00
1 noyabr 2024
Türkiyəli aktyorun serialının yayım tarixi bəlli oldu
11:15
1 noyabr 2024
O ölsə də, qadağası qüvvədə olacaq
10:56
1 noyabr 2024
80 yaşlı aktyoru filmə çəkmirlər
18:17
31 oktyabr 2024
"Məni ərimin şəkliylə basdırın..." - O, həyat yoldaşından nə gizlədirdi?
17:00
31 oktyabr 2024
Federiko Fellini: “İcazə verin, sizə yeni xatirələr uydurum...”
15:20
31 oktyabr 2024
