Tanınmış rejissor Kənan Mahmudov mədəniyyətlə əlaqəli qurum və təşkilatlara müraciət edib.
Bu barədə rejissor Kulis.az-a açıqlamasında bildirib. O, əsgərlərimizin qəhrəmanlıqlarını, şəhidlərimizin şücaətini təkcə sosial mediada deyil, filmlər vasitəsilə də tamaşaçılara tanıtmaq lazım olduğunu deyib:
“Mən Mədəniyyət Nazirliyinə və kinoya aidiyyəti olan qurumlara müraciət edirəm. Çox xahiş edirəm şərait yaratsınlar, dəstək olsunlar. Biz qəhrəmanlarımızı tək İnstaqram və Tik-Tok hesablarında deyil, filmlər vasitəsilə xalqımıza, hətta dünyaya tanıtmalıyıq. Biz nə qədər onun-bunun çəkdiyi, xəyal məhsulu olan xarici qəhrəmanlara baxacağıq. İndi bizim öz real qəhrəmanlarımız var. Onların qəhrəmanlıqları əbədiləşdirilməli, dünyaya göstərilməlidir. İnstaqram, Tik-Tok bir gün öz aktuallığını itirəcək, sonra hər birimiz vicdan əzabı çəkəcəyik. Ya bizə dəstək versinlər bu işdə, ya da tamaşaçımız mənasız vaynerlərin sponsorlarına möhtac qalacaq. Çox xahiş edirəm, bizə bir cavab verilsin. İşimizi bilək. Ya həyatımızın qalan hissəsini qəhrəmanlarımızın, şəhidlərimizin həyatını işıqlandırmağa həsr edək, ya da çıxaq kimə, harda dəyərliyik oralara gedək."
