Azərbaycanlı snayperçidən film çəkilir

Azərbaycanlı snayperçidən film çəkilir
calendar 22 fevral 2021
clock 09:57

Özbəkistanda atası azərbaycanlı, anası özbək qızı olan, İkinci Dünya müharibəsində snayperçi kimi ad çıxaran Ziba Qəniyeva haqqında bədii film çəkiləcək.

“Özbəkkino” Milli Agentliyində filmin çəkilişlərinə hazırlıq işləri başlayıb, ekran əsəri Daşkənd vilayətində və Belorusda lentə alınacaq.

Ziba Qəniyeva 1923-cü ildə Şamaxıda doğulub. Onun ailəsi ötən əsrin 30-cu illərində repressiyaya məruz qalıb. Bu bacarıqlı qızın istedadını görüb onu Özbəkistan Dövlət Filarmoniyasının xoreoqrafiya bölməsinə işə qəbul ediblər.

Ziba Qəniyevanın aktyorluq bacarığını görən filarmoniya rəhbərliyi onu A.V.Lunaçarski adına Moskva Dövlət Teatr Sənəti İnstitutuna göndərməyi təklif edir. Beləliklə o,1940-cı ildə instituta qəbul olunur. Ancaq faşist Almaniyasının SSRİ-yə hücumu və 1941-ci ilin payızında düşmənin Moskvaya yaxınlaşması planları dəyişir və 17 yaşlı Ziba Qəniyeva rəfiqələri ilə birgə könüllü olaraq 3-cü Moskva Kommunist diviziyasına yazılır, müharibədə snayperçi kimi ad qazanır.

Müharibədən sonra Ziba Qəniyeva “Qırmızı Döyüş Bayrağ”ı, “Qızıl Ulduz” ordenləri, “Moskvanın müdafiəsi uğrunda” medalı ilə təltif edilib və veteran kimi Azərbaycana qayıdıb, Azərbaycan Dövlət Universitetinin filologiya fakültəsinə qəbul edilib. Universiteti əla qiymətlərlə bitirib və aspiranturaya qəbul olunub.

Ziba Qəniyeva bir müddət Bakı Ali Partiya Məktəbində müəllim, Dil və Ədəbiyyat kafedrasının müdiri işləyib. Sonra isə Moskvada SSRİ Elmlər Akademiyasının Şərqşünaslıq İnstitutunda çalışıb. 1970-ci illərdə Ziba Qəniyeva SSRİ-də istedadlı filoloq-alim kimi tanınıb, məqalələri SSRİ-nin aparıcı qəzet və jurnallarında çap edilib.

Ziba Qəniyeva 2010-cu ildə Moskvada vəfat edib. /AzərTAC/

# 3128 dəfə oxunub

Oxşar xəbərlər

O, qadın deyil, eləcə anadır... - Mətbəxdə cazibəsini itirən Həmidə xanım

O, qadın deyil, eləcə anadır... - Mətbəxdə cazibəsini itirən Həmidə xanım

12:00 1 noyabr 2024
Türkiyəli aktyorun serialının yayım tarixi bəlli oldu

Türkiyəli aktyorun serialının yayım tarixi bəlli oldu

11:15 1 noyabr 2024
O ölsə də, qadağası qüvvədə olacaq

O ölsə də, qadağası qüvvədə olacaq

10:56 1 noyabr 2024
80 yaşlı aktyoru filmə çəkmirlər

80 yaşlı aktyoru filmə çəkmirlər

18:17 31 oktyabr 2024
"Məni ərimin şəkliylə basdırın..." - O, həyat yoldaşından nə gizlədirdi?

"Məni ərimin şəkliylə basdırın..." - O, həyat yoldaşından nə gizlədirdi?

17:00 31 oktyabr 2024
Federiko Fellini:  “İcazə verin, sizə yeni xatirələr uydurum...”

Federiko Fellini: “İcazə verin, sizə yeni xatirələr uydurum...”

15:20 31 oktyabr 2024
Norma
Norma
menu pen all_news