Kino və serial aktrisası, ssenarist Semra Dinçer vəfat edib.
APA-nın “CNN Türk”-ə istinadən verdiyi xəbərə görə, iki ildir xərçəng xəstəliyindən əziyyət çəkən aktrisa bu gün günorta saatlarında vəfat edib.
Semra Dinçer 25 iyul 1965-ci ildə Ankarada anadan olub. O, 42 film və serialda rol alıb, bunlardan 7-nin ssenarisini yazıb. Sonuncu dəfə “İstanbullu Gəlin” serialında Reyhan Sezgin rolunu canlandırıb.
Aktrisa əsasən "Quzey Güney" serialındakı rolu ilə məşhurlaşıb.
