Rejissor Liliana Kavani avqustun 30-da keçirilən 80-ci Venesiya Film Festivalının açılış mərasimində kinoya verdiyi töhfəyə görə “Fəxri Qızıl Aslan” mükafatını alıb.
Kulis.az xarici mediaya istinadən xəbər verir ki, 90 yaşlı rejissor çıxışı zamanı festivalın təşkilatçılarının gender məsələsini nəzərə almalarına sevindiyini qeyd edib.
"Bu mükafatı alan ilk qadınam. Dünyada bu sahədə kişilərlə birgə işləyən qadınlar çoxdur. Onların diqqətdən kənarda qalması doğru deyil".
Qeyd edək ki, avqustun 30-u başlayan Venesiya Film Festivalı sentyabrın 9-dək davam edəcək.
