Aprelin 3-də Nizami Kino Mərkəzində daha bir yerli kommersiya filminin təqdimatı baş tutub.
Kulis.az-ın verdiyi xəbərə görə, “Dalan” adlanan yeni filmin baş prodüseri və quruluşçu rejissoru Elvin Rüstəmzadə, ssenari müəllifi Səbinə Əhmədlidir. Baş rollarda Sevinc Əliyeva, Ziya Ağa, Manaf Ağayev, Oqtay Mehdiyev və Münəvvər Əliyeva çıxış edirlər.
Filmin süjeti bir-birinə bağlanan xəyanətlər zənciri üzərində qurulub. “Dalan”da hər kəs xəyanət edir, daha düzü hər kəs seçimlərinin torunda çabalayır. Hər tərəfdən çarə axtaran qəhrəmanlar çıxış sandıqları hər yolda dalana dirənirlər.
"Dalan" film artıq kinoteatrlarda nümayişə buraxılıb.
