Sənə nifrət eləyirəm,
Çox e, çox e, həm də çox.
Sənə nifrət eləyirəm,
Necəsən, nə var, nə yox?
Sənə nifrət eləyənin
Bu dünyada nə dərdi?
Sənə nifrət eləyirəm,
İşlərin nə təhərdi?
Bir az da unutmusan,
Ürəyimə damır ki.
Sənə nifrət eləyirəm,
Bir yerin ağrımır ki?
Havalar da korlanıb,
Zayı çıxıb hər şeyin.
Sənə nifrət eləyirəm,
Əynini qalın geyin.
Nifrət nə yaxşı şeydi,
Ayağımdan qaçır yer.
Sənə nifrət eləyirəm,
Yeməyinə fikir ver.
Yuxuda görmüşəm ki,
Bir nəfərə gedirsən.
Sənə nifrət eləyirəm,
Nə vaxt ərə gedirsən?
Sənə nifrət eləyirəm!
23 oktyabr 2013
13:21
Oxşar xəbərlər
Fotoqrafın həyatının son günü - Feyruz Muradov
11:08
18 oktyabr 2024
Keçmişin buxovunda qalmış adam - Feyruz Muradov
13:50
27 avqust 2024
Beş - Rasim Əlizadənin hekayəsi
17:40
18 iyul 2024
Neytral haldan yaranan insanlığın xülyası - Məhəmməd Kərimov
14:30
14 iyun 2024
Səkilərdə toqquşur baş-ayaq küt baxışlar - Xosrov Natil
11:30
23 may 2024
Məlikməmmədin nağılı - Aliyə Qədirovanın hekayəsi
16:32
22 may 2024
