Kulis.Az Teymur Əliyevin “Ən qısa hekayə” müsabiqəsinə göndərdiyi “Xeyirli olsun” (275 işarə) hekayəsini təqdim edir.
Şər, yer üzünə enən kimi, ona “yuxarılar”dan təbrik məktubları gəldi. Hamı onu vəzifəyə təyinatla bağlı təbrik edir, fəaliyyətində uğurlar arzu edir, xeyirli olsun deyirdilər. Bu xeyirli olsun ifadəsi o qədər deyildi ki, axırda Xeyiri də yer üzünə göndərdilər ki, şərə dəstək olsun, onun işi çətin getməsin, Xeyirli olsun.
