Viktor Pelevinin “Betman Apollo” adlı yeni romanı satışa çıxıb. Kulis.Az-ın Rusiya mətbuatına istinadən verdiyi məlumata görə kitab marta ayının 26-dan 27-ə keçən gecə satışa çıxarılıb.
Kitabın ilk alıcılarına eksklüziv suvenirlər hədiyyə olunacaq. Bu Pelevinin gecə yarısı satışa çıxarılan ilk romanı deyil. Onun “P5” adlı torlusu da gecəyarı satışa çıxarılmış və o saatlarda açıq olan azsaylı kitab mağazalarında növbə yaratmışdı.
Pelevini müasir ədəbiyyatın mistifikatoru adlandırırlar. Yazıçı fəaliyyətinin lap əvvəllərindən mətbuatla əlaqə saxlamır, pərəstişkarları ilə görüşmür və hər yeni kitabı sirli bir gözlənilməzliklə peyda olur.
