"Atatürk" serialının ilk treyleri yayımlanıb.
Kulis.az Türkiyə mediasına istinadən xəbər verir ki, serialın treylerini baş rolu canlandıran Aras Bulut İynemli sosial mediada paylaşıb. Serial 6 seriyadan ibarətdir.
Rejissoru Mehmet Ada Öztekin olan ekran əsəri Türkiyə Cümhuriyyətinin qurucusu Mustafa Kamal Atatürkün gənclik illərindən bəhs edir.
Xatırladaq ki, serialın yayımı erməni lobbisi və diaspora təşkilatlarının təzyiqi ilə Disney Plus tərəfindən ləğv edilsə də, şirkətin bu qərarı böyük əks-səda doğurmuşdu. Avqustun 2-də "Walt Disney"in Türkiyə ofisi serialın Fox TV-də və kinoteatrlarda yayımlanacağını açıqlamışdı.
