İmir Məmmədlinin “Doğru oğru” pyesi səhnələşdiriləcək.
Müəllifin Kulis.aza verdiyi məlumata görə, Cəfər Cabbarlı adına İrəvan Dövlət Azərbaycan Dram Teatrında artıq məşqlərə başlanılıb.
İ.Məmmədlinin bir neçə pyesi dövlət teatrlarında səhnələşdirilib. Bu müəllifin səhnələşdirilən sayca dördüncü pyesidir.
Qeyd edək ki, müəllifin kinossenarilərinin əsasında filmlər də çəkilib. Onlardan biri “Köşk”, digəri isə “Xoruz Bayram” ekranlaşdırılmışdır.
