Berlin beynəlxalq kinofestivalı ev həbsinə buraxılmış rus rejissorunun müdafiəsinə qalxıb.
Kulis.az-ın rus mətbuatına istinadən verdiyi xəbərə görə Festivalın rəhbəri Diter Kosslik Rusiyanın məşhur teatr və kino rejissoru, “Qoqol mərkəz”in bədii rəhbəri Kiril Serebrennikovun işi ilə bağlı etirazını bildirib.
“Biz onun saxlanılmasına, məhkəmə prosesinə, ev həbsinə etiraz edirik” Kosslik şərh verib.
- Yeni radio və televiziya fəaliyyətə başlayır
- Onlar ən çox tənqid olunan yazıçılardır - Siyahı
- “Kölgə oyunu” Bakıda göstəriləcək
O Serebrennikovu öz yaradıcılığı ilə son illər ərzində beynəlxalq publikanı ilhamlandıran qabaqcıl rus rejissorlarından biri adlandrıb. “Serebrennikov son zamanlar ölkələrimiz arasında qarşılıqlı mədəni əlaqələrin yaranmasında rolu olan olduqca vacib fiqurlardan biridir,” Kosslik söyləyib.
Bundan əvvəl Avropa kinoakademiyası şurasının Serebrennikova dəstək çıxışı etdiyi söylənilirdi.
Xatırladaq ki, Rusiyanın məşhur teatr və kino rejissoru, “Qoqol teatr mərkəzi”nin bədii rəhbəri Kiril Serebrennikova qaşı cinayət işi açılıb və o, 2011-2014-cü illərdə “Platforma” adlı layihəyə ayrılan 68 milyon rublu mənimsəməkdə ittiham olunur.
İrəli sürülən ittiham üzrə Serebrennikovu 10 ilədək həbs gözləyə bilər.
Rusiyanın və dünyanın nüfuzlu kino və teatr xadimləri ittihamı qəbul etməyərək rejissorun müdafiəsinə qalxıblar.
