“Taxt oyunu” serialının final mövsümünün treyleri yayılıb.
Kulis.az-ın xəbərinə görə, video Youtube-də GameofThrones kanalında dərc olunub.
Treylerdə Deyneris Tarqerian və Con Snounun ağ piyadaların hücumunu dəf etmək üçün böyük ordu toplaması göstərilir. Onların dəstəsini iki böyük əjdaha müşaiyət edir.
Kadrda həmçinin Bran Stark da görünür.
“Taxt oyunu” serialının səkkizinci mövsümü aprelin 14-dən nümayiş oluncaq. O, altı seriyadan ibarət olacaq. Ilk iki seriya 1 saatlıq, qalan 4 seriya isə 80 dəqiqəlikdir.
