Mayın 11-i saat 17-də LİBRAFF Park Akademiyada Elçin Əzimlinin "Dan ulduzu" kitabının imza günü keçiriləcək.
Kitab həyata göz açdığın andan başlayan iki səyahətdən bəhs edir; iç dünyaya və ətraf dünyaya. İç dünyandakı səyahətinin addımları düşüncə və duyğularınla atılır. Böyük dünyadakı səyahətinin coğrafiyası vücudunun gəzib dolaşdığı məsafələrlə ölçülür. Bu səyahətlər daim bir-biri ilə kəsişir. Böyük dünyaya uzanan yollar daxilindəki kiçik dünyadan keçir – düşüncə və duyğuların səni gedəcəyin yerə aparır.
Tədbirdə Beynəlxalq Kouç Federasiyasının üzvü olan peşəkar biznes təlimçisi Elçin Əzimlinin "Əvvəlcə özüm" adlı seminarı nəzərdə tutulur.
Giriş sərbəstdir!
