Əfsanəvi rejissor, musiqiçi Emir Kusturitsanın bu gün Heydər Əliyev Mərkəzində konserti olacaq.
Kulis.az xəbər verir ki, konsert 20:00 da başlanacaq. O, pərəstişkarlarının qarşısına «The No Smoking Orchestra» qrupu ilə çıxacaq. Rejissor Kustritsa 1999-cu ildə «The No Smoking Orchestra» qrupunu yaradıb və onun daimi üzvüdür. Kusturitsa qrupun tərkibində gitaraçı kimi çıxış edir. «The No Smoking Orchestra» qrupu rok-n-roll, Balkan pank-roku, qaraçı motivləri, türk marşları və Asiya melodiyalarını sintez edir.
Xatırladaq ki, biletlərin qiyməti 20 və 150 manat arasında dəyişir.
