İtalyan aktrisa və ssenarist Daria Nikolodi 70 yaşında vəfat edib.
Kulis.az xarici mediaya istinadən xəbər verir ki, bu barədə aktrisanın qızı rejissor Asiya Argento İnstaqramda məlumat verib.
Xatırladaq ki, Nikolodi 1950-ci ildə Florensiyada anadan olub. Uzun müddət cinayət trilleri və erotizm elementlərini birləşdirən dəhşət filmləri ilə tanınan rejissor Dario Argentonun həyat yoldaşı idi. 30-dan çox filmdə rol alıb və “Suspiria” (1977, 2018), “Inferno” (1980), “Paganininin dəhşəti” (1989) da daxil olmaqla bir neçə film üçün ssenari yazıb.
