Jan Lyuk Qodar Koronavirusdan danışacaq.
Kulis.az türk mətbuatına istinadən xəbər verir ki, ötən gün Lozan Kanton Sənət məktəbi (ECAL) sosial şəbəkələrdəki hesabları vasitəsi ilə bildirib ki, Fransız yeni dalğasının öncüllərindən hesab olunan məşhur rejissor Jan Lyuk Qodar bu gün ECAL-ın "İnstagram" hesabı vasitəsi ilə “Koronavirus günlərindən mənzərələr” adı altında canlı söhbət edəcək.
“Son nəfəsdə”, “Nifrət”, “Həyatını yaşa”, “Qadın qadındır” kimi filmlərin rejissoru Jan Luk Qodar karyerasının ilk illərindən bəri tənha həyatı ilə tanınıb. Son illərdə izdihamlı kütlə və media qarşısına çıxmadığından təşkil olunan bu görüş film həvəskarları üçün xüsusi əhəmiyyət kəsb edir.
