Şair, yazıçı Zahid Xəlillə məktəblilərin virtual görüşü baş tutub.
Kulis.az xəbər verir ki, gənc şair, Cocuq Mərcanlı kənd tam orta məktəbinin Azərbaycan dili və ədəbiyyat müəllimi Sonuncu Orxanın təşəbbüsü ilə yazıçılarla şagirdlərin virtual görüşünə start verilib.
Onlayn görüş layihəsinin ilk qonağı olan Zahid Xəlil məktəbin 5-ci, 6-cı və 7-ci sinif şagirdləri ilə uşaq ədəbiyyatı, dərsliklərdəki mətnlər və digər mövzularda söhbət ediblər. Görüş ərzində şagirdlər Zahid Xəlilin şeirlərini səsləndirib, həmçinin yazıçıya maraqlı suallar ünvanlayıblar.
Xatırladaq ki, yazıçılarla şagirdlərin virtual görüş layihəsi davam edəcək.
