Sənət əsərlərinə zərər vurmaları ilə gündəm olan “Just Stop Oil” fəalları artıq memarlıq abidələrinə keçiblər.
Kulis.az türkiyə mediasına istinadən xəbər verir ki, ekoaktivistlər Londonda DİN, MI5 binasına, İngiltərə Bankına və “News Corp”un Baş Qərargahının üzərini narıncı boya ilə boyayıblar. Onların əsas tələbi neft və qaz hasilatının dayandırılması olub.
Fəalların fikrincə, etirazlar üçün seçilən binalar “qalıq yanacaq” iqtisadiyyatını dəstəkləyən dayağı təmsil edir; hökumət, təhlükəsizlik, maliyyə və media.
