K-pop qrupu "BTS" haqqında yazılan "Beyond History: 10 Years of BTS Recordings" adlı kitab nəşr olunduqdan qısa müddət sonra Amazon satış siyahılarında birinci yerdə qərarlaşıb.
Kulis.az xəbər verir ki, bu barədə “The Hollywood Reporter” məlumat yayıb.
Kitabın nəşri qrupun 10 illik yubileyinə təsadüf edib.
Müəllifi, bioqraf Menqseok Kanq kitabı yazdığı üç il ərzində BTS-nin yeddi üzvündən müsahibələr toplayıb və onların həyatlarını müşahidə edib.
Qeyd edək ki, 544 səhifəlik kitab iyulun 9-da işıq üzü görüb.
