Məşhur iranlı aktrisa Şöhrə Qəmər son günlər sosial mediada təhqiredici məzmunlu paylaşımlar etmək ittihamı ilə saxlanılıb.
Kulis.az xəbər verir ki, bu barədə "Azad İran" teleqram kanalı məlumat yayıb.
Məlumatda deyilir:
“Cəmiyyətdə psixoloji inamsızlıq hissinə səbəb olan təhqiramiz materiallar paylaşdığına görə Şöhrə Qəmər adlı aktrisaya qarşı cinayət işi açılıb”.
Qeyd edək ki, aktrisa sosial media hesabından insanların, xüsusilə də qadınların geyiminə müdaxilə edən hökuməti tənqid edən paylaşımlar edib.
