Bu il Bosniya və Herseqovinanın paytaxtında keçirilən 30-cu Sarayevo Film Festivalında (SFF) "Sarayevonun qəlbi" mükafatı amerikalı aktrisa Meq Rayana verilib.
Kulis.az xəbər verir ki, Rayan mükafatını festivalın direktoru Yovan Maryanoviçdən alıb.
1998-ci ildə istehsal olunan və 1999-cu ildə festivalda nümayiş olunan Rayanın baş rolda olduğu "Sizə məktub var" filmi 25 il sonra eyni məkanda kinosevərlərlə görüşüb.
Qeyd edək ki, festivalda Robert de Niro, Ancelina Coli, Bred Pitt, Orlando Blum, Deniel Kreyq, Con Malkoviç, Morqan Friman və Nuri Bilge Ceylan kimi dünyaca məşhur sənətçilər iştirak edib.
