Qazaxıstan SSR-nin əməkdar artisti, Petropavlovsk şəhərinin fəxri vətəndaşı, N.Poqodin adına rayon Rus Dram Teatrının direktoru Viktor Qriqoryeviç Şalayev vəfat edib.
APA-nın TASS-a istinadən verdiyi xəbərə görə, bu barədə teatrın rəsmi səhifəsində məlumat verilib.
Qeyd edək ki, Şalayev 1946-cı ildə Yaroslavl vilayətində anadan olub. 1968-ci ildə Qorki adına Teatr Məktəbini, sonra isə Karaqanda Dövlət Universitetini bitirib. O, Nijni Novqorod, Volqoqrad, Severodvinsk, Səmərqənd, Tümen kimi şəhərlərin teatrlarında çalışıb.
