Azərbaycan Respublikasının Nazirlər Kabineti yanında Tərcümə Mərkəzinin növbəti nəşri – “Bildirçin və payız” kitabı işıq üzü görüb. Kulis.azın məlumatına görə əsərləri dilimizə Şahin Ələsgərov tərcümə edib.
Kitaba dünya şöhrətli Misir yazıçısı, müasir ərəb ədəbiyyatının banisi, Şərq ədəbiyyatının ilk Nobel mükafatı laureatı Nəcib Məhfuzun “Bildirçin və payız” romanı, “Zülmət gecədən işıqlı sabaha” povesti və hekayələri daxil edilib.
