Xalq şairi Ramiz Rövşən Nəsiminin “Sığmazam” qəzəlinə mahnı yazıb oxuyan Afət Fərmanqızından danışıb
Kulis.azın verdiyi xəbərə görə, şair bu ifanı elə də faciəvi hesab etmədiyini bildirib:
“Sizə deyim, onun ifası faciə deyil. Təbii ki, Nəsiminin qəzəlinə yazılmış mahnıya oynamaq mənim üçün bir az qəribə görünür, amma bununla Nəsimidən heç nə getmir.”
R.Rövşən daha sonra əlavə edib:
“Böyük qırğın qopartmağın mənası yoxdur. Baxın, Avropanın özündə də ən böyük sənət əsərləri də təqdim olunur, qeyri-ciddiləri də. Bu da bir improvizə idi. Açığı mən orda bir faciə görmədim. Ancaq hər halda Nəsiminin ruhu bir başqadır.”
