Yeni ədəbiyyat dərgisi fəaliyyətə başlayacaq.
Kulis.az xəbər verir ki, bu barədə yazıçı Rəşad Səfər sosial şəbəkə hesabında məlumat verib.
Onun sözlərinə görə, dərgi bütün yaxşı mətnlərə açıqdır:
"Tezliklə yeni onlayn ədəbiyyat jurnalımız fəaliyyətə başlayır. Biz - Orxan Əyyub, Cavid Ramazanov və Rəşad Səfər bir araya gəlib “The Baku Review”nu təsis etdik. Jurnalın məqsədi Azərbaycan ədəbiyyatının yeni mərhələsinin bayraqdarı olmaqdır. İnanırıq ki, həqiqi ədəbiyyatın cəbhəsi yoxdur. Buna görə də jurnalımız bütün yaxşı mətnlərə açıqdır. Öz mətnlərini jurnalımızda görmək istəyənlər esse, məqalə, şeir və hekayələrini [email protected] elektron ünvanına göndərə bilərlər..."
