Aqşin Yeniseyin “Məbədin sükutu” adlı yeni kitabı çap olunub. “Qanun” nəşriyyatında işıq üzü görən kitabda yazarın son illərdə yazdığı və heç bir kitabında çap olunmamış hekayələri, satirik, publisistik yazıları və müasir ədəbiyyatımızın istedadlı simalarına həsr olunmuş məqalələri toplanıb.
“Məbədin sükutu” Aqşin Yeniseyin sayca beşinci kitabıdır. İndiyədək yazarın “Unutmaq sözünün şəkli” (2000), “Sizin eradan əvvəl” (2005), “Cənnətdə terror aksiyası” (2009), “Yüz qırx yeddi dənə sən” (2013) adlı şeir və nəsr kitabları nəşr olunub.
Kitabın qiyməti 4.90 manatdır.
