“Nizami” kinoteatrında “Sevgi romanı” filminin qala gecəsi keçirilib.
Kulis.az. xəbər verir ki, melodram janrında çəkilən ekran əsərində Oksana Rəsulova, Şəhriyar Əbilov, Azər Aydəmirov, Zümrüd Bədəlova və digər tanınmış simalar rol alıb.
Azər Aydəmirovun ssenarisi əsasında çəkilən filmdə sevgidən, xəyanətdən, sevən iki şəxsin qovuşa bilməməsindən bəhs olunur.
“Sevgi romanı”nın premyerasına məşhurlar axın ediblər. İzdiham yaşanan qala gecədə filmin qəhrəmanları təəssüratlarını media əhli ilə bölüşüblər. Onlar ekran əsərinin maraq yaradacağına inandıqlarını bildiriblər.
