İngilis televiziyasındakı ən yaxşı prodakşınlar və aktyorlar Britaniya Akademiyası tərəfindən mükafatlandırılıb.
Kulis.az türk mətbuatına istinadən xəbər verir ki, 2021 BAFTA TV Mükafatları (British Academy Television Awards) dünən axşam Londonda təşkil edilən mərasimdə sahiblərinə təqdim olunub.
Mərasimin ulduzu aktrisa Mİxaella Koel olub. O, ən yaxşı aktrisa roluna görə mükafat qazanmaqla yanaşı, ssenarisini yazdığı və quruluş verdiyi “Mən səni məhv edə bilərəm” adlı mini serialına görə də mükafata layiq görülüb.
Bundan başqa mərasimdə digər kateqoriyalar üzrə mükafatlar qaliblərə təqdim edilib.
