Bu gün tanınmış şair Qulu Ağsəsin doğum gündür. Kulis.az bu münasibətlə Qulu bəyi təbrik edir və onun öz doğum gününə yazdığı şeiri təqdim edir.
Anama: "Sevin"- dedilər,
"Bu oğlun, evin", - dedilər.
Mən doğulan gün dedilər
Aprelin 20- nə
Bu boş ömrümə tüpürdüm.
Doğulan günə tüpürdüm.
Tüpürdüm, yenə tüpürdüm,
Aprelin 20-nə
İstədim öləm, qoymadı,
Lap nahaq yerə qoymadı.
Tanrım bir daşı qıymadı
Aprelin 20-nə.
