Kann Film Festivalı onlayn keçirilməyəcək.
Kulis.az rus mətbuatına istinadən xəbər verir ki, Kann Film Festivalı onlayn formatda keçirilməyəcək. Bunu festivalın rəhbəri Terri Fremo açıqlayıb. O, bildirib ki, koronavirus infeksiyası may ayına qədər davam edərsə, film festivalı ləğv ediləcək.
Fermos sənət filmlərinin ekrandan yox, kinoteatrdan izlənməsinin vacib olduğunu vurğulayaraq tamaşaçılara belə bir ritorik sual ünvanlayıb: "Ues Anderson və Pol Verhoevenin filmlərini kompüter ekranında izləyək?"
- Şayiə yayılır ki, tezliklə müharibə başlanacaq... - Öz evində artıq adama çevrilən leytenant
- "Min bir gecə"nin aktyoru vəfat etdi
- Mərzin iki tərəfində yaşayanlar - Qoderzi Çoxelinin hekayəsi
Bundan əlavə o bildirib ki, Kann Film Festivalının onlayn keçirilməsi yeni filmlərin pirat saytlara sızması ilə nəticələnə bilər.
Xatırladaq ki, koronavirus pandemiyası nəticəsində təxirə salınan festivalın keçiriləcəyi tarixlər dəqiq bilinmir.
