Kino ulduzu Merlin Monronun məzarının yanındakı torpaq sahəsi 2 milyon dollara satılır.
Kulis.az rus mətbuatına istinadən xəbər verir ki, Kaliforniya ştatının Vestvud məzarlığında boş məzar yeri 2 milyon dollara satılır.
Məzarın bu qədər baha olmasına səbəb isə əfsanəvi film ulduzu Merlin Monro ilə Playboy jurnalının qurucusu Hugh Hefnerin məzarları arasında yerləşməsidir.
Məlumata görə satılan ərazi 1997-ci ildə yeri özünə almış mərhum Broadway teatrının bəstəkarı Jerry Hermana məxsusdur. Ancaq bəstəkar 2019 -cu ildə vəfat edəndən sonra qohumları onu Nyu Cersidə anasının məzarının yanında dəfn ediblər.
